APA-nın cənub bürosunun məlumatına görə, hadisə aprelin 7-si saat 00.30 radələrində rayonun Separadi kəndində Orucəli Qurbanova məxsus evdə qeydə alınıb.
1931-ci il təvəllüdlü Orucəli Qurbanov otaqlarından birinə daxil olaraq işığı yandıran anda güclü partlayış baş verib.
Partlayış zamanı baş verən yanğın nəticəsində O. Qurbanov və onun 10 yaşlı nəvəsi Rəşad Qurbanov müxtəlif dərəcəli yanıq xəsarətləri alıblar. Onlar Lənkəran Regional Müalicə Diaqnostika Mərkəzinə yerləşdiriliblər. Burada onlara ilkin tibbi yardım göstərilib, lakin vəziyyətləri ağır olduğundan Bakı şəhərindəki xəstəxanalardan birinə göndəriliblər.
İlkin versiya kimi partlayışa qaz sızmasının səbəb olduğu bildirilir.
Faktla bağlı Lənkəran Rayon Prokurorluğunda araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
