Bakı. Musa Əhmədov – APA-Economics. 2015-cü ilin II rübündə “Kredobank” ASC-nin aktivlərinin həcmi 179,504 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 16,58% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 3,27% artaraq 108,276 mln. manat olub.
Bu il iyul ayının 1-nə bankın istehlak kreditlərinin həcmi 39,145 mln. manat təşkil edib ki, bu da 2014-cü ilin eyni dövründəki göstəriciyə nisbətən 24,37% azdır.
Bu ilin I yarısında bankın ipoteka kreditlərinin həcmi 4,432 mln. manat olub ki, bu da keçən ilin analoji dövrü ilə müqayisədə 1,06% azdır və kreditlərin hamısı ipoteka fondunun xətti ilə verilən kreditlərin payına düşür.
Bu ilin 6 ayında bankın kredit portfelinin strukturunda vaxtı keçmiş kreditlərin həcmi keçən ilin analoji dövrü ilə müqayisədə 24,79% artaraq 29,214 mln. manat olub.
Bankın depozit portfeli hesabat dövrü ərzində 21,95% azalaraq 24,225 mln. manat təşkil edib. İyulun 1-nə əhalinin əmanətlərinin həcmi isə 11,892 mln. manata bərabər olub ki, bu da illik müqayisədə 11,61% azdır.
Bir il ərzində bankın məcmu kapitalı 3,16 % artaraq 56,447 mln. manata çatdığı halda, nizamnamə kapitalı dəyişməyərək 50,540 mln. manat təşkil edib.
Bu ilin yanvar-iyun aylarında bankın gəlirləri ötən ilin müvafiq dövrünə nisbətən 35,51% azalaraq 6,970 mln. manat, xərcləri isə 41,95% azalaraq 5,973 mln. manata düşüb.
Bu ilin ilk altı ayı ərzində bankın əldə etdiyi mənfəət 797,63 min manat təşkil edib.
Hazırda bankın ölkə üzrə 16 filialı, 4 bankomatı, 35 POS-terminalı fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
