Xarici siyasət

Ana səhifə

Xarici siyasət

Fransa Senatının nümayəndə heyəti Azərbaycana gəlib

01 oktyabr 2012 12:44 (UTC +04:00)

Səfərin təşkilatçısı olan Avropa Azərbaycan Cəmiyyətindən APA-ya verilən məlumata görə, Fransa Senatının enerji məsələləri üzrə araşdırma qrupunun həmsədri Ladislas Poniatovskinin rəhbərlik etdiyi nümayəndə heyətinə Delfine Bataille, Jan Besson, Kristofer-Azdre Frassa və Jan- Klod Lenor daxildir.

Bu gün prezident İlham Əliyev tərəfindən qəbul edilən senatorların Milli Məclisin sədri Oqtay Əsədov, xarici işlər naziri Elmar Məmmədyarov, iqtisadi inkişaf naziri Şahin Mustafayev, sənaye və energetika naziri Natiq Əliyev, Dövlət Neft Fondunun icraçı direktoru Şahmar Mövsümov və Dövlət Neft Şirkətinin vitse-prezidenti Elşad Nəsirovla da görüşləri nəzərdə tutulub. Görüşlərin əsas mövzusu iki ölkə arasında yüksələn xətt üzrə inkişaf edən siyasi, iqtisadi, energetika, mədəni və humanitar sahəsində əməkdaşlıq məsələləri olacaq.

Fransa nümayəndə heyətinin Səngəçal neft terminalına səfəri çərçivəsində Fransanın “Total” və Böyük Britaniyanın “BP” şirkətinin nümayəndələri ilə də görüşləri planlaşdırılır.

Nümayəndə heyətinin Azərbaycana səfəri oktyabrın 4-də başa çatacaq.