Səbinə Babayevanın «Eurovision-2012” üçün xüsusi diski hazırlanıb - FOTO
20 mart 2012 12:00 (UTC +04:00)
Bakı. Ülkər Rəşidqızı – APA. Azərbaycanın “Eurovision-2012” mahnı müsabiqəsindəki təmsilçisi Səbinə Babayevanın nüfuzlu müsabiqə üçün xüsusi diski hazırlanıb. APA-nın müsabiqənin rəsmi internet saytına istinadən yaydığı xəbərə görə, təmsilçimizin müsabiqədə səsləndirəcəyi “When the music dies” mahnısının yer aldığı disk xüsusi olaraq bu ilin mayında “Eurovision-2012” ərəfəsində təqdim olunacaq.
Diskdə mahnının audio və video versiyası, mahnı haqqında dörd – Azərbaycan, rus, ingilis və fransız dillərində məlumatlar yer alıb. Disk may ayında Bakıya gələcək ölkələrin nümayəndələrinə təqdim olunacaq.
Diskdə mahnının audio və video versiyası, mahnı haqqında dörd – Azərbaycan, rus, ingilis və fransız dillərində məlumatlar yer alıb. Disk may ayında Bakıya gələcək ölkələrin nümayəndələrinə təqdim olunacaq.