Beyləqanda piyadanın ölümü ilə nəticələnən yol-nəqliyyat hadisəsi baş verib.
APA-nın Daxili İşlər Nazirliyinin (DİN) saytına istinadən verdiyi məlumata görə, yanvarın 6-da saat 15:00 radələrində Beyləqan rayonunun Yeni Mil qəsəbəsində rayon sakini Rauf İsgəndərov idarə etdiyi "VAZ-21074" markalı avtomobillə yolu keçən həmyerlisi Vüqar Hüseynovu vurub. Nəticədə piyada hadisə yerində ölüb.
Beyləqan RPŞ tərəfindən araşdırma aparılır.