“Kollektiv Təhlükəsizlik Müqaviləsi Təşkilatının (KTMT) baş katibinin Ermənistandan olmasında israr edəcəyik”.
APA-nın “news.am” saytına istinadən verdiyi məlumata görə, bunu Ermənistan xarici işlər nazirinin müavini Şavarş Köçəryan deyib.
O xatırladıb ki, oktyabrda İrəvanda keçirilən sammitdə Ermənistandan olan namizədlə bağlı konsensus əldə olunmadığından qərarın qəbulu təxirə salınıb. Ş. Köçəryanın sözlərinə görə, bununla bağlı iclas keçiriləcək və məsələ müzakirəyə çıxarılacaq: “Təkid edirik və hesab edirik ki, rotasiya prinsipi işləməlidir. Həmin prinsipə əsasən, KTMT-nin növbəti baş katibi Ermənistan namizədi olmalıdır”.
Qeyd edək ki, İrəvan sammitində qurumun baş katibinin dəyişdirilməsi ilə bağlı məsələnin müzakirəyə çıxarılmamasının əsəs səbəbi kimi Qazaxıstan prezidentinin toplantıda iştirak etməməsi göstərilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
