Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya deyib ki, ən çox yağıntı Lənkəran-Astara zonasında qeydə alınıb.
Onun sözlərinə görə, Qubanın Susay məntəqəsi, Qusarın Ləzə stansiyasında və Kərvəzdə sulu qar və qarın yağması müşahidə edilib. Bununla yanaşı, respublikanın əksə ərazilərində yağıntılı hava şəraiti qeydə alınıb. Bakıda və Abşeron yarımadasında şimal qərb küləyinin güclənməsi müşahidə olunub.
Respublikanın bəzi ərazilərində, Mərkəzi Aran rayonlarında, Bakıda və Abşeron yarımadasında küləyin sürəti 30 m/san-dən yüksək olub. Digər ərazilərdə isə küləyin sürəti 15-25 m/san arası dəyişib. Həmin müddət ərzində havanın temperaturu kəskin aşağı düşüb.
A.Verdiyev qeyd edib ki, belə hava şəraiti bu gün ərzində də davam edəcək. Bu gün axşama doğru Bakı və Abşeron yarımadasında axşama doğru şimal küləyinin mülayimləşməsi gözlənilir. Axşamdan paytaxtda yağıntılar tədricən azalacaq. Qeyri-sabit, yağışlı hava şəraiti bölgələrdə əsasən davam edəcək. Oktyabrın 21-də bəzi rayonlarda yağıntılı hava müşahidə olunacaq. Oktyabrın 22-23-də isə Azərbaycanda əsasən yağmursuz və mülayim hava şəraiti müşahidə olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
