Bakı-APA. Böyük Britaniyanın baş naziri Tereza Mey iyulun 28-də Slovakiyaya səfər edəcək.
APA-nın məlumatına görə, bu barədə Slovakiya baş nazirinin mətbuat xidməti xəbər verib.
“Baş nazir Slovakiyanın Avropa İttifaqında sədrliyi ilə əlaqədar Slovakiyaya səfər edəcək. Sabah, iyulun 28-də Bratislavada baş nazir Robert Fitso Böyük Britaniyanın baş naziri xanım Tereza Meyi qəbul edəcək”, məlumatda deyilir.
Qeyd edək ki, İyulun 1-dən Avropa İttifaqında (Aİ) sədrlik rotasiya qaydasına əsasən, Slovakiyaya keçib.