Bakı. Zümrüd Paşayeva – APA. Yəməndə İran səfirinin iqamətgahı yaxınlığında terror aktı törədilib.
APA-nın “Associated Press”ə istinadən verdiyi xəbərə görə, Yəmən hüquq-mühafizə orqanları səhər saatlarında baş verən terror aktının İranın bu ölkədəki səfirinin evi hədəfə aldığını bildirib.
Hadisə nəticəsində səfirin iqamətgahının mühafizə xidmətində çalışan 2 nəfər ölüb.
Evin yaxınlığındakı binalara ciddi zərər dəyib. İranlı diplomatın xəsarət alıb-almaması ilə bağlı heç bir məlumat verilmir.