Bakı - APA. Azərbaycan Milli Elmlər Akademiyası (AMEA) Genetik Ehtiyatlar İnstitutunun doktorantları Vəfa Rüstəmova və Aynur Mehtiyeva Özbəkistanın Daşkənd və Karşi şəhərlərində təlim kursu keçiblər.
İnstitutdan APA-ya verilən məlumata görə, kurs GEİ və Livanda yerləşən Quraqlıq Ərazilərdə Kənd Təsərrüfatı Tədqiqatları üzrə Beynəlxalq Mərkəz (ICARDA) tərəfindən maliyyələşdirilib.
Bir aylıq kurs çərçivəsində gənc alimlər buğda bitkisinin xəstəliklərə davamlılığı, keyfiyyət göstəricilərinin qiymətləndirilməsi, hibridləşdirmə, kəmiyyət və keyfiyyət əlamətləri üzrə seçmənin aparılması və s. istiqamətlərdə tədqiqat metodikalarını mənimsəyiblər. Kurs zamanı doktorantlar öz tədqiqat işləri üçün 100 yumşaq buğda nümunəsi seçiblər və bu nümunələr 3 il ərzində institutda Azərbaycan mənşəli nümunələrlə müqayisəli qiymətləndiriləcək.
Doktorantlar kursu müvəffəqiyyətlə tamamlayaraq beynəlxalq sertifikata layiq görülüblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
