Sənaye və energetika

Ana səhifə

Zaqatala rayon Qaz İstismar Sahəsinin yeni inzibatı binası açılıb - VİDEO

Zaqatala rayon Qaz İstismar Sahəsinin yeni inzibatı binası açılıb - <span style="color: red;">VİDEO

09 noyabr 2013 15:49 (UTC +04:00)

Zaqatala. Vüqar Heydərov - APA. Azərbaycan Dövlət Neft Şirkəti (ARDNŞ) «Azəriqaz» İstehsalat Birliyinin Zaqatala rayon Qaz İstismar Sahəsinin yeni inzibatı binası istifadəyə verilib.

APA-nın Şəki-Zaqatala bürosunun məlumatına görə, bu münasibətlə təşkil edilmiş açılış mərasimində «Azəriqaz» İB və Zaqatala rayon İcra Hakimiyyəti rəsmi nümayəndələri, eləcə də yerli sakinlər iştirak ediblər. Tədbirdə qeyd edilib ki, 330 kv. metr sahəsi olan Zaqatala rayon Qaz İstismar Sahəsinin inzibati binasında işlər tamamlanıb. İki mərtəbəli inzibatı binanın birinci mərtəbəsində 8 iş otağı, yeməkxana, Qəza Dispetçer Xidməti, ikinci mərtəbədə isə 12 iş otağı və akt zalı yerləşir. Ərazidə nəzarət-buraxılış məntəqəsi, içməli və yanğından mühafizə üçün su anbarları inşa edilib. Həmçinin, inzibatı binanın həyətində işçilərin istirahəti üçün oturacaqlar quraşdırılıb, sahəsi 90 kv. metr olan daha bir anbar tikilib.