Bakı-APA. Türkiyənin Gəbzə şəhərində 4 Gürcüstan vətəndaşı ölüb. APA-nın “Georgia Online” saytına istinadən verdiyi xəbərə görə, Gürcüstan vətəndaşları kustar üsulla hazırlanmış spirtli içki qəbul etdikdən sonra ölüblər.
Ağır zəhərlənmə ilə daha 3 gürcü xəstəxananın reanimasiya bölməsinə yerləşdirilib.
Qeyd olunan şəxslər Türkiyədə tikintidə fəhlə kimi çalışıblar. Məlumata görə, spirtli içkini onlar özləri hazırlayıblar.