Bakı. Viktoriya Dementyeva – APA. Avropa Xarici Siyasət Xidmətinin Rusiya, “Şərq tərəfdaşlığı”, Mərkəzi Asiya, regional əməkdaşlıq və ATƏT üzrə bölməsinin direktoru Qunnar Viqandın (Gunnar Wiegand) rəhbərlik etdiyi Avropa Birliyi nümayəndə heyəti Azərbaycana gələcək. APA-nın AB-nin Azərbaycan nümayəndəliyinə istinadən verdiyi xəbərə görə, səfərdə məqsəd oktyabrın 1-də Azərbaycan-Avropa Birliyi Əməkdaşlıq Komitəsinin Bakıda keçiriləcək iclasına qatılmaqdır.
İclasda Azərbaycan-AB münasibətlərinin gündəmindəki ən aktual məsələlər müzakirə olunacaq. Azərbaycan nümayəndə heyətinə xarici işlər nazirinin müavini Mahmud Məmmədquliyev rəhbərlik edəcək.
Qeyd edək ki, 1996-cı ildə Azərbaycanla AB arasında əməkdaşlıq və tərəfdaşlığa dair saziş imzalanıb və sənəd 1999-cu il iyulun 1-də qüvvəyə minib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
