Bakı. Fuad Cəfərov - APA. Azərbaycanda qonşusunu öldürmək istəyən şəxs saxlanılıb. APA-nın Daxili İşlər Nazirliyinin saytına istinadən verdiyi məlumata görə, mayın 26-da saat 01 radələrində İsmayıllı şəhər sakini Şahin Salmanov qonşusu Röyal Dəmirovun həyətinə girib və orada ov tüfəngindən atəş açaraq iti öldürüb, səs-küy yarandığından hadisə yerini tərk edib.
İsmayıllı Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində sərxoş halda olan Ş.Salmanov saxlanılıb, ondan ov tüfəngi götürülüb.
Ş.Salmanov izahatında R. Dəmirovu öldürmək niyyətində olduğunu bildirib.
İsmayıllı Rayon Polis Şöbəsi tərəfindən araşdırma aparılır.