Bakı. Vahab Rzayev - APA-Economics. Azərbaycanın “Rabitəbank” ASC Bakıda daha bir filial açıb.
Bankdan “APA-Economics”ə verilən məlumata görə, yeni “Nərimanov” filialı Bakının İsmayıl Hidayətzadə küçəsi, 49/51 ünvanında fəaliyyətə başlayıb.
Bankın digər filialları kimi, “Nərimanov filialı” əksər bank əməliyyatları, müxtəlif növ kreditlər, əmanətlər, kommunal və mobil ödəmələr üzrə xidmətlər təklif edəcək.
Bu sayca “Rabitəbank”ın Bakıda 7-ci, ölkə üzrə 19-cu filialıdır. Bu il 20 illik yubileyini qeyd edən “Rabitəbank” 2013-cü ilin sonunad’k daha bir filial açmaq niyyətindədir.
Bu ilin ilk rübünün nəticələrinə əsasən, “Rabitəbank”ın aktivləri 24% artaraq 194 mln. manat təşkil edib.
Hazırda bankın paytaxtla yanaşı, regionlardan Sumqayıt, Ağcabədi, Şirvan, Şəmkir, Qusar, Quba, Xaçmaz, Şəki, Şamaxı, Kürdəmir, Gəncə, Lənkəran və Naxçıvanda da filialları fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
