Bakı – APA. Dənizdə batmaq təhlükəsi ilə üzləşən şəxs xilas edilib.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, Dövlət Sularda Xilasetmə Xidmətinə Bakı şəhəri, Xəzər rayonunda dənizdə (“Türkan” sularda xilasetmə postundan təxminən 700 metr məsafədə, nəzarət olunmayan ərazidə) 1 nəfərin batmaq təhlükəsi ilə üzləşdiyi barədə məlumat daxil olub.
Həmin şəxs FHN-in “Türkan” sularda xilasetmə postunun xilasediciləri tərəfindən xilas edilib.