Bakı. Real Cəfərli - APA. Təbriz bazarında yanğın baş verib. APA-nın “Öyrənci səsi”nə istinadən məlumatına görə, hadisə oktyabrın 8-də yerli vaxtla gecə saat 02:37-də olub.
Yanğın bir ayaqqabı mağazasında baş verib. Nəticədə üç mağaza yanıb. Hadisə zamanı 5 nəfərin yaralandığı bildirilir. Yanğının səbəbləri hələlik dəqiqləşdirilməyib və hazırda bununla bağlı təhqiqat aparılır. Bundan başqa, dəymiş ziyanın məbləği də hələlik müəyyənləşdirilməyib.