Bakı – APA. Latviya paytaxtında çökən “Maxima” ticarət mərkəzinin dağıntıları altından 52-ci cəsəd çıxarılıb. APA-nın “İnterfaks”a istinadən verdiyi məlumata görə, Riqa meri dağıntılar altında daha 25-ə yaxın meyitin ola biləcəyini söyləyib.
Xatırladaq ki, noyabrın 21-də axşam Riqadakı “Maxima” ticarət mərkəzinin damı və divarlarından biri uçub. Hadisə yerinə gələn xilasedicilər işə başladıqdan sonra daha bir divar dağılıb. Dağıntıların sahəsi 500 kvadratmetr təşkil edib.