Bakı. Cavid Zeynalov - APA. Azərbaycan Dövlət Rus Dram Teatrının kollektivinin Rusiyanın Malıy Teatrına qastrol səfəri başa çatıb.
Teatrdan APA-ya verilən məlumata görə, teatrın kollektivi qastrol səfərində litvalı rejissor Yonas Vaytkusun Nizami Gəncəvinin eyniadlı poeması əsasında quruluş verdiyi “Yeddi gözəl”, “Müsyö Jordan - alim botanik, dərviş Məstəli şah - məşhur cadugər” tamaşasını oynayıb.
Xatırladaq ki, 2012-ci ilin iyununda Azərbaycan Dövlət Rus Dram Teatrı M.F.Axundovun pyesi əsasında hazırlanmış “Müsyö Jordan - alim botanik, dərviş Məstəli şah - məşhur cadugər” tamaşası ilə Moskvada "ET CETERA" teatrında ezamiyyətdə olub.