Şirvan. Əlibəy Zeynallı – APA. Şirvan şəhərində Daxili İşlər Nazirliyinin (DİN) Baş Pasport qeydiyyat və miqrasiya İdarəsinin regional şöbəsinin inzibati binasının açılışı olub.
APA-nın Mil-Muğan bürosunun verdiyi məlumata görə, müasir tələblər səviyyəsində inşa olunmuş binanın açılış mərasimində daxili işlər nazirinin müavini, general-leytenant Əsgər Ələkbərov və hüquq-mühafizə orqanlarının rəhbərləri iştirak ediblər. Regional şöbənin rəisi, polis polkovnik-leytenantı Azad Rəşidov qonaqlara inzibati binada yaradılmış şərait barəsində məlumat verərək bildirib ki, vətəndaşlara bundan sonra yeni biometrik pasportlar veriləcək. Sənədlərin hazırlanması tam avtomatlaşdırılmış texniki qaydalarla həyata keçiriləcək. Açılış zamanı vətəndaşlara yeni biometrik pasportlar təqdim edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
