APA-nın xəbərinə görə, bunu Rusiyanın xarici işlər naziri Sergey Lavrov yanvarın 23-də Montre şəhərində Suriya ilə bağlı keçiriləcək beynəlxalq konfransda İranın iştirakçılar sırasından çıxarılması barədə BMT-nin qərarını şərh edərkən deyib.
S. Lavrov bu qərarı yanlış adlandıraraq bunun faciə olmadığını da söyləyib, çünki tədbir cəmi 1 gün çəkəcək: “Dövlət katibi Kerri dəfələrlə etiraf edib ki, İran Suriyada böhranın həllində rol oynamalıdır. Ümumi maraq tələb edir ki, İran bu toplantıda təmsil olunsun”.