Bakı - APA-Economics. “Azsığorta” şirkətinə aid yeni üslubda virus tipli reklam çarxı qısa müddət ərzində sosial şəbəkələrdə əsas müzakirə obyektinə çevrilmişdir. Çarxın başlıca mövzusu yolda qəza vəziyyəti törədən avtoxuliqan və ədaləti bərpa edən sığorta işçiləri haqqındadır. Çarxın sonunda zərərçəkənə avtoxuliqanın sərt şəkildə cəzalandırılması ilə deyil, sadəcə dəymiş zərərə görə pul ödənilməsi ilə yardım edilə biləcəyi ifadə olunur. Başlıca məqsəd isə “Azsığorta”nın müştərilərinə hər zaman təzminat ödəmələrini həyata keçirdiklərini qabardmaqdan ibarətdir.
İnternet üzərindən yayınlanmaq məqsədi ilə hazırlanan video çarx sosial şəbəkələrdə yüzlərlə paylaşım və izləyici rəylərinə səbəb olmuşdur. Qeyd edək ki, haqqında bəhs olunan çarx “Azsığorta” şirkətinin sifarişi əsasında “ATL Consulting” tərəfindən ərsəyə gətirilib.
İcraçı: ATL Consulting
Ssenari: Roman Orkodaşvili
Produser: Teymur Hacıyev
Rejissor: Rüfət Həsənov
Operator: Kirill Gerra