Bakı. Şəhriyar Əlizadə - APA. Penitensiar Xidmətin və Bakı İstintaq Təcridxanasının əməliyyat aparatları tərəfindən müəssisəyə qadağan olunmuş əşyaların keçirilməsi cəhdinin qarşısı alınıb. Penitensiar Xidmətin ictimaiyyətlə əlaqələr şöbəsindən APA-ya verilən məlumata görə, əməliyyat-axtarış tədbirləri nəticəsində təcridxanada saxlanılan 1979-cu il təvəllüdlü, Cinayət Məcəlləsinin 206.2 və 234.4.3 maddələri ilə təqsirli bilinərək həbs edilmiş şəxs Amin Fərrux oğlu Çərkəzovun məhkəmədən müəssisəyə etapla daxil olan zaman üzərinə və əşyalarına baxış keçirilib. Bu zaman onun alt paltarının içərisində gizlədilmiş 7 ədəd “Tramal” həbləri, xalis çəkisi 0,035 qram narkotik maddə “Heroin” və xalis çəkisi 0,03 qram olan “Metamfetamin” maddəsi aşkar edilərək götürülüb.
Fakt üzrə araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
