Bakı. Şəhriyar Əlizadə - APA. Bakı Ağır Cinayətlər Məhkəməsində adam öldürməyə cəhddə təqsirləndirilən Ceyhun Məmmədovun cinayət işi üzrə məhkəmə prosesi başa çatıb.
APA-nın məlumatına görə, prosesdə hökm oxunub. Hökmə əsasən, C. Məmmədov 10 il 6 ay müddətinə azadlıqdan məhrum edilib.
Qeyd edək ki, C. Məmmədov mübahisə zəminində Qəzəlxan Mirzəyev adlı tanışını bıçaqlayaraq öldürmək istəyib. Lakin həkimlərin səyi nəticəsində Q. Mirzəyevin həyatını qurtarmaq mümkün olub.