Bakı-APA. Burkina-Faso prezidentinin səlahiyyətlərini icra edən Mişel Kafando Fransa səfirliyində sığınacaq tapıb.
APA-nın RİA Novosti agentliyinə istinadən verdiyi məlumata görə, bunu Fransanın Burkina-Fasodakı səfiri Jil Tibo bəyan edib.
“Prezident Kafandonun icazəsi ilə təsdiq edirəm ki, o, həqiqətən Fransa səfirliyinin ərazisindədir”, səfir özünün Twitter-dəki səhifəsində yazıb.
Bundan əvvəl Mişel Kafando ev dustağı edilmişdi. Sentyabrın 17-də bir qrup hərbçi Burkina-Faso prezidentinin səlahiyyətlərini icra edən Mişel Kafandonun vəzifəsindən kənarlaşdırıldığını və müvəqqəti hökumətin buraxıldığını bəyan etmişdilər. Burkina-Fasonun keçid parlamentinin sədri Şərif Say ölkədə dövlət çevrilişinin baş verdiyini və xalqı qiyamçılara qarşı çıxış etməyə çağırmışdı.
Son 4 gün ərzində Burkina-Fasoda baş verən toqquşmalarda azı 10 nəfər ölüb, 100-dən çoxu yaralanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
