Bakı. Yeganə Laçınzadə - APA-Economics. "Azərbaycan Sənaye Bankı"nın (ASB) aktivlərinin həcmi 2016-cı ilin II rübündə 632,158 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 30,16% çoxdur.
Bankdan "APA-Economics"ə verilən məlumata görə, hesabat dövründə bankın kredit portfeli 39,25% artaraq 223,104 mln. manat olub.
ASB-nin depozit portfeli hesabat dövrü ərzində 35,1% artaraq 366,744 mln. manata çatıb. Əhalinin əmanətlərinin həcmi isə 329,409 mln. manata bərabər olub ki, bu da illik müqayisədə 68,77% çoxdur.
Cari ilin iyulun 1-nə bankın öhdəliklərinin həcmi 550,124 mln. manat təşkil edib.
Bir il ərzində bankın məcmu kapitalı 10,65% artaraq 82,034 mln. manata çatdığı halda, nizamnamə kapitalı dəyişməyərək 60 mln. manat olub.
Bank ilin birinci yarısını 4,5 mln. manatdan artıq mənfəətlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
