Bakı-APA. İndoneziyanın Bali adasında sərnişin təyyarəsinin uğursuz enişi onun dənizə düşməsi ilə nəticələnib. Qəza nəticəsində 50-dək insan xəsarət alıb. APA-nın “İTAR-TASS”a istinadən verdiyi xəbərə görə, təyyarənin göyərtəsində 7 nəfər heyət üzvü və əksəriyyəti Avstraliyadan gələn 101 sərnişin olub. Xoşbəxtlikdən, qəza nəticəsində ölən olmayıb.
Xəsarət alanlar xəstəxanalara aparılıb.
“Boeing-737” İndoneziyanın Lion Air aviaşirkətinə məxsusdur.
Qəzanın səbəbləri araşdırılır.