Pakistanın Gilgit Paltistan əyalətində avtobusun aşması zamanı 20 nəfər ölüb, 20 nəfər yaralanıb.
APA-nın “PTC News”a istinadən xəbərinə görə, hadisə əyalətin Diamer rayonunda baş verib. Əraziyə polis və xilasedicilər cəlb olunub.
Araşdırma zamanı avtobusun sərt qayalıqların üzərindəki yoldan çıxaraq aşdığı müəyyən edilib.
O da bildirilib ki, nəqliyyat vasitəsi Ravalpindi istiqamətində hərəkətdə olub.