Bakı-APA. “Suriyada münaqişəsinin nizamlanması yolunda əsas maneə terrorçulardır”.
APA-nın TASS agentliyinə istinadən verdiyi xəbərə görə, bunu Suriya prezidenti Bəşər Əsəd İtaliya televiziyasına müsahibəsində bəyan edib.
“Terrorçulara qalib gəlmədən siyasi proses üçün hər hansı vaxt çərçivəsi müəyyənləşdirmək qeyri-ciddidir”, deyə B.Əsəd əlavə edib.
Qeyd edək ki, bu, noyabrın 14-də Vyanada “Suriyaya dəstək qrupu”nun konfransında əldə edilən razılaşmalara rəsmi Dəməşqin ilk reaksiyasıdır. Sənəddə müxalif qrupların konsolidasiyası, yeni hökumətin yaradılması, konstitusiya üzərində işlərin başlanması, 18 ay ərzində ölkədə seçkilərin keçirilməsi kimi müxtəlif təşəbbüslər irəli sürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
