Bakı - APA-Economics. Bakıda Bərk məişət tullantılarının çeşidlənməsi zavodunda qumbara hissələri, tapançalar və başqa silah-sursat növləri aşkar olunub.
"Təmiz Şəhər" ASC-nin Mətbuat xidmətindən "APA-Economics"ə verilən məlumata görə, iş prosesi zamanı tapılan ümumilikdə 10 növ təhlükəli əşya "Təmiz Şəhər" ASC-nin əməkdaşları tərəfindən polisə təhvil verilib.
Avqust ayında müxtəlif günlərdə aşkarlanan və polisə verilmiş silahlar və silah hissələri aşağıdakılardır:
1) 2 ədəd F1 əl qumbarasının korpusu;
2) 2 ədəd F1 əl qumbarasının alışqanı;
3) 1 ədəd pnevmatik tapança;
4) 1 ədəd “Valtro” tapançası;
5) 2 ədəd avtomat darağı;
6) 1 ədəd patrondaş sepi;
7) 162 ədəd 7.62 mm çaplı patron;
8) 13 ədəd 5.45 mm çaplı patron;
9) 1 ədəd 14.5 mm çaplı patron;
10) 10 ədəd tapança patronu.
Bakı şəhərindən toplanmış tullantılar gün ərzində “Təmiz Şəhər” ASC-in çeşidlənmə zavoduna təhvil verilir. Zavodda tullantılar tərkibinə görə ayrılaraq xammal kimi təkrar istehsala yönəldilir. İş prosesi zamanı bəzən bu cür təhlükəli və başqa qeyri-adi əşyalar aşkar olunur. Bu zaman qurumun əməkdaşları həmin əşyaları aidiyyatı üzrə təhvil verirlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
