Bakı. Fuad Cəfərov – APA. Qazax sakininin avtomobilində narkotik maddə aşkar edilib.
APA-nın Daxili İşlər Nazirliyinin saytına istinadən verdiyi məlumata görə, Bakı Şəhər Baş Polis İdarəsinin Narkotiklərlə Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində Qazax rayon sakini, əvvəllər məhkum olunmuş Ceyhun Vəliyevdən 7,37 qram marixuana götürülüb.
Ona məxsus VAZ-2107 markalı avtomobilə baxış zamanı isə əlavə olaraq 8,1 kq marixuana aşkar edilərək götürülüb.