Bakı - APA. Bu gün Avropa Birliyinin Azərbaycandakı nümayəndəliyinin rəhbəri, səfir Roland Kobia Kürdəxanı İstintaq Təcridxanasında REAL (Respublikaçı Alternativ) Hərəkatının sədri İlqar Məmmədovla görüşüb. REAL-dan APA-ya verilən məlumata görə, görüşdə səfir İ. Məmmədovun saxlanma şəraiti, sağlamlığı ilə maraqlanıb. Görüş təqribən 1,5 saat çəkib və müxtəlif məsələlər müzakirə olunub.
Təşkilatdan o da bildirilib ki, R. Kobia bir neçə dəfə rəsmi dövlət qurumlarına müraciət etdikdən sonra bu gün onun İ. Məmmədovla görüşünə icazə verilib.