Dövlət Statistika Komitəsindən «APA-Economics»ə verilən məlumata görə, cari ilin yanvar ayında 2012-ci ilin yanvarına nisbətən istehlak mallarının qiymətləri və xidmət tarifləri 0,8%, o cümlədən qeyri-ərzaq mallarının qiymətləri 0,5%, xidmət tarifləri 3,4% artıb, ərzaq məhsullarının qiymətləri isə 0,6% enib: «Yanvar ayında ərzaq məhsullarından toyuq ətinin, kərə yağının, qatığın, pendirin, şəkər tozunun, qəndin, düyünün və s. qiymətləri ucuzlaşıb. Qeyri-ərzaq mallarından isə yağlı boyaların, taxta-şalbanın, tikinti kərpicinin və s. qiymətləri aşağı düşüb».
Qeyd edək ki, 2012-ci ilin yanvar ayında Azərbaycanda inflyasiyanın səviyyəsi 4,8% təşkil edib. Bu il üçün isə ölkədə inflyasiyanın 5,7% olacağı proqnozlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
