Bakı. Vahab Rzayev – APA-Economics. Azərbaycanın 2012-ci ili üzrə tədiyyə balansında əks olunmuş xaricdən cəlb olunan kapitalın ümumi məbləği 10,6 mlrd. ABŞ dolları təşkil edib ki, bu da əvvəlki ilin göstəricisindən 30,6% çoxdur.
Azərbaycan Mərkəzi Bankından «APA-Economics»ə verilən məlumata görə, bu göstərici əsasən ölkəyə cəlb olunmuş birbaşa investisiyalar və xarici kreditlər hesabına formalaşıb:
(mln. dollar)
Cəlb olunan xarici kapitalın strukturu
|
||
|
2011-ci il |
2012-ci il |
Birbaşa investisiyalar |
4 443,9 |
5 289,4 |
- neft-qaz sektoru |
3 465,6 |
4 290,0 |
- digər sektorlar |
978,3 |
999,4 |
Kreditlər və digər investisiyalar |
3 651,0 |
5 303,5 |
- dövlət təminatlı kreditlər |
1 255,1 |
1 245,5 |
- dövlət təminatlı olmayan kreditlər |
2 053,1 |
2 267,1 |
-- neft-qaz sektoru |
706,0 |
486,0 |
-- banklar |
828,9 |
1 556,7 |
-- digərləri |
518,2 |
224,4 |
- digər investisiyalar |
342,8 |
1 790,9 |
Neft bonusu |
20,0 |
2,0 |
CƏMİ |
8 114,9 |
10 594,9 |
Mərkəzi Bankın tədiyyə balansına dair şərhində deyilir ki, birbaşa investisiyalar formasında xaricdən cəlb olunmuş sərmayələrin ümumi məbləği 5,3 mlrd. dollar olub və bu investisiyaların strukturunda neft-qaz sektorunun xüsusi çəkisi 81,1% təşkil edir. Cəlb olunmuş sərmayələr iri neft-qaz layihələri, əsasən də «Şahdəniz» və «Azəri-Çıraq-Günəşli» layihələri çərçivəsində görülən işlərin maliyyələşdirilməsi ilə əlaqədar ölkə iqtisadiyyatında istifadə olunub.
Kreditlər və digər investisiyalar formasında cəlb olunan sərmayələrin həcmi illik müqayisədə 45,3% artıb, onların xarici kapitalın strukturunda xüsusi çəkisi isə 5,1 faiz bəndi artaraq 50,1%- çatıb. Cədvəldən göründüyü kimi, artım bank kreditləri və «Digər investisiyalar» təsnifatına aid olan vəsaitlər hesabına baş verib.
Tədiyyə balansına əsasən, əvvəlki dövrlərdə cəlb olunmuş kreditlər üzrə 2 710,3 mln. dollar miqdarında vəsait geri qaytarılıb. Hesabat dövründə qaytarılan kreditlərin 48,4%-i (1 312,5 mln. dollar) bank sistemi, 12,2%-i (330,5 mln. dollar) dövlət və dövlət təminatı əsasında cəlb olunmuş kreditlər, 28,5%-i (772,3 mln. dollar) neft-qaz sektoru, 10,9%-i (295,0 mln. dollar) isə digər müəssisə və şirkətlərin payına düşüb.