Bakı-APA. Azərbaycan Hava və Ekstremal İdman Növləri Federasiyasının 05-07 aprel 2013 cü il tarixlərində “ClimBaku” idman dırmanması mərkəzində yeniyetmə və gənclər arasında idman dırmanması üzrə keçirdiyi “Ümid” Respublika Çempionatı sona çatıb. Bu barədə APA-ya Azərbaycan Hava və Ekstremal İdman Növləri Federasiyasının mətbuat xidmətindən bildirilib.
Çempionatın boulderinq üzrə I mərhələsi 05 aprel, çətinlik üzrə II mərhələsi 06 aprel, sürət üzrə III mərhələsi isə 07 aprel tarixlərində keçirilib. Çempionatın final mərhələsində qaliblərə sertifikatlar təqdim olunub.