Bakı. Musa Əhmədov - APA-Economics. Bu ilin yanvar-iyul ayları ərzində Azərbaycanda mədənçıxarma sənayesində istehsalın ümumi dəyəri 11,5 mlrd. manat olmaqla əvvəlki ilin yanvar-iyul aylarına nisbətən 0,9% artıb.
Dövlət Statistika Komitəsindən "APA-Economics"ə verilən məlumata görə, sahənin əsas məhsulu olan xam neftin hasilatı 24,7 mln. ton, əmtəəlik təbii qazın hasilatı isə 11 mlrd. kubmetr təşkil edib.
Bu ilin 7 ayı ərzində ölkədə 24 700,4 min ton xam neft (qaz kondensatı daxil olmaqla) istehsal olunub. Bu, 2015-ci ilin yanvar-iyul aylarına nisbətən 0,7% çoxdur. Nəticədə bu ilin avqustun 1-ə 369,1 min ton hazır məhsul ehtiyatı yaranıb. Bunun 24 670,1 min tonu əmtəəlik xam neftdir ki, bu da daha əvvəlki illə müqayisədə 0,7% çoxdur.
Bu ilin yanvar-iyul ayları ərzində ölkədə 17 460,8 mln kubmetr təbii qaz istehsal olunub. Bu, 2015-ci ilin yanvar-iyul aylarının göstəriciləri ilə müqayisədə 0,9% çoxdur. Nəticədə bu ilin avqustun 1-nə 1 097,1 min kubmetr hazır məhsul ehtiyatı yaranıb. Bunun da 11 015,4 mln. kubmetr əmtəəlik təbii qazdır ki, bu da ötən ilin eyni dövrü ilə müqayisədə 8% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
