Bakı. Şəhriyar Əlizadə - APA. Bakı Apellyasiya Məhkəməsində Qusar rayon Prokurorluğunun dələduzluqda təqsirləndirilən keçmiş böyük müstəntiqi Ələmşah Şükürovun apellyasiya şikayəti əsasında məhkəmə prosesi başlayıb.
APA-nın məlumatına görə, prosesdə təqsirləndirilən şəxsin anket məlumatı dəqiqləşdirilib. Dövlət ittihamçısı ittiham aktını elan edib.
Proses noyabrın 21-də davam etdiriləcək.
Ələmşah Şükürov 2009-cu il noyabrın 25-də prokurorluq orqanlarından xaric edilib. O, prokurorluq işçisinin nüfuzuna xələl gətirən və müstəntiq vəzifəsi ilə bir araya sığmayan hərəkətlərə yol verdiyinə görə cəzalandırılıb. Sabiq müstəntiq vətəndaşların etibarından sui-istifadə edərək dələduzluq yolu ilə onların əmlakını ələ keçirib. O, bununla fiziki şəxslərin qanunla qorunan hüquqlarına zərər vurub.
Bakı Ağır Cinayətlər Məhkəməsinin hökmü ilə də Ələmşah Şükürov 7 il müddətinə azadlıqdan məhrum edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
