Bakı. Pərviz Nuriyev - APA-Economics. “PAŞA Həyat Sığorta” ASC-nin baş sponsorluğu, Azərbaycan-Türkiyə İş Adamları Birliyi (ATİB) və Azərbaycan Respublikası Sahibkarlar Təşkilatları Milli Konfederasiyasının (ASK) tərəfdaşlığı ilə Bakıda “İqtisadi artım və sənayeləşmə: Azərbaycanın imkanları və Türkiyənin təcrübələri” adlı regional konfrans keçirilib.
Şirkətdən “APA-Economics”ə verilən xəbərə görə, prezident İlham Əliyevin ölkəmizdə 2014-cü ili “Sənaye ili” elan etməsi ilə əlaqədar keçirilən konfransda Azərbaycandan və Türkiyədən iqtisadiyyat və sənaye nazirliklərinin nümayəndələri, eləcə də yüksək səviyyəli hökumət nümayəndələri, universitet və araşdırma institutlarının tanınmış alimləri, qeyri-hökumət təşkilatları və özəl sektor (həm real sektor, həm də maliyyə sektoru olmaqla) təmsilçiləri iştirak ediblər.
Konfransın gedişində birinci panel üzrə çıxışlarda natiqlər Azərbaycan və Türkiyənin sənayeləşmə prosesinin mərhələləri və qazanılan nailiyyətləri, Azərbaycan və Türkiyənin sənayeləşmə siyasətləri və müasir dövrün çağırışları, həmçinin fərqli sanaye modellərinin müqayisəli üstünlüklərinin analizi, sənaye sektorunun davamlı iqtisadi artıma və rəqabətli iqtisadiyyata təsiri mövzusunda geniş məruzə ilə çıxış ediblər.
Tədbirin ikinci hissəsində isə sənayenin inkişafında özəl sektorun önəmi və sənayenin maliyyələşməsi, sanaye sektoru ilə maliyyə sektorunun əlaqəsi, sənaye sahələrinin keyfiyyətli insan resursları ilə təminatı, həmçinin sənaye şirkətlərinin təhsil və innovasiya ehtiyacları məsələləri müzakirə edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
