Futbol

Ana səhifə

Futbol

Böyükağa Hacıyev: “İnter”dən çəkinmirik”

28 sentyabr 2012 14:26 (UTC +04:00)

Bakı – APA. “İnter”lə oyuna gündə 2 məşq keçməklə hazırlaşırıq. Rəqibimiz Avropanın ilk 10 komandası arasında yer alıb”. Apasport.az saytının məlumatına görə, bu fikirləri “Neftçi” klubunun baş məşqçisi Böyükağa Hacıyev Türkiyə mətbuatına açıqlamasında deyib.

Hacıyev bildirib ki, İtaliya “İnter”inin böyük komanda olmağından qorxmurlar: “Önümüzdəki həftə oktyabrın 4-də axşam saat 11-də bizdən gələcək müjdəli xəbəri gözləyin. “İnter”dən çəkinmirik. Məqsədimiz Azərbaycan futbolunu Avropada layiq olduğu şəkildə təmsil etməkdir. “Neftçi”nin Avropada təmsil olunmağı özümüz üçün qürurvericidir. Komandamız sadəcə, Azərbaycanın deyil, bütün türk dünyasının təmsilçisi olacaq”.