Sənaye və energetika

Ana səhifə

Ermənistan və ABŞ arasında energetika sahəsində əməkdaşlıq haqqında saziş imzalanıb

19 oktyabr 2012 11:10 (UTC +04:00)

Bakı. Anaxanım Hidayətova – APA-Economics. Ermənistan və ABŞ arasında energetika sahəsində əməkdaşlıq haqqında saziş imzalanıb.

“APA-Economics”in “Novosti Armeniya”ya istinadən xəbərinə görə, saziş iqtisadi əməkdaşlıq üzər ABŞ-Ermənistan Hökumətlərarası Komissiyasının iclasının yekunlarına əsasən bağlanıb.

İclasda tərəflər arasında Ermənistan AES-in istismar müddətinin uzadılması və təhlükəsizlik məsələləri üzrə qarşılıqlı əməkdaşlıq, yeni reaktorun tətbiqi təklifi, hidroenergetika və alternativ enerji mənbələri, regional enerji layihələrinə cəlb olunma və s. məsələlər müzakirə olunub.

Qeyd edək ki, ABŞ-Ermənistan Hökumətlərarası Komissiyasının iclasına Ermənistanın maliyyə naziri Vaqe Qabrielyan, ABŞ dövlət katibinin müavininin köməkçisi Erik Rubin və ABŞ hökumətinin proqram koordinatoru Daniel Rozemblyum sədrlik edib.