Hadisə

Ana səhifə

Hadisə

Bakıda avtomobil oğurluğu ilə məşğul olan dəstə zərərsizləşdirilib

16 oktyabr 2012 09:00 (UTC +04:00)

Bakı şəhər Baş Polis İdarəsindən APA-ya verilən məlumata görə, sentyabrın 5-ə keçən gecə Zığ yolu küçəsində yaşayan Hacıməhəmməd Sulxayevə məxsus «VAZ-21011» markalı avtomobil qaçırılıb. Xətai Rayon Polis İdarəsinin Cinayət Axtarış Şöbəsi və 36-cı Polis Bölməsi əməkdaşlarının keçirdiyi əməliyyat tədbirləri nəticəsində avtomobil bir gün sonra Bakıxanov qəsəbəsində sökülmüş vəziyyətdə tapılıb, onu qaçıran Masallı rayon sakini Qiyaməli Bayramov və Bakı şəhər sakini Pərviz Quliyev sentyabrın 6-da yaxalanıblar. Cinayətin digər iştirakçısı olan Bakı şəhər sakini Tural Qasımov isə oktyabrın 15-də ələ keçib.

Araşdırma zamanı müəyyən edilib ki, onlar sentyabrın 4-ə keçən gecə M. Gülgün küçəsində yaşayan İbrahim Şahbazova, sentyabrın 6-a keçən gecə Vaqif Həsənova məxsus «VAZ-2101» markalı avtomobil qaçırıblar. Dəstə üzvləri iyunun 24-ə keçən gecə R. Məmmədov küçəsində yaşayan Çərkəz Bayramova məxsus «VAZ-2106» markalı avtomobili də qaçırıb və həmin avtomobil elə həmin gün saat 14:30 radələrində Ə. Bağırov küçəsində tam yanmış vəziyyətdə tapılıb.