Amerika

Ana səhifə

Amerika

Barak Obama ABŞ prezidenti postunda ilk doğum gününü jurnalistlərlə qeyd edib - FOTO

Barak Obama ABŞ prezidenti postunda ilk doğum gününü jurnalistlərlə qeyd edib - <font color=red>FOTO</font>

06 avqust 2009 08:06 (UTC +04:00)

Bakı – APA. Avqustun 5-də Barak Obama ABŞ prezidenti postunda ilk doğum gününü qeyd edib. APA-nın beynəlxalq xəbər agentliklərinə istinadən xəbərinə görə, B.Obama bu əlamətdar gündə jurnalistləri də yaddan çıxarmayıb.
48 yaşı tamam olan ABŞ prezidenti Ağ Evin içində bir neçə keks və cəmi bircə şam olan məcməyi ilə mətbuat otağına gəlib. O, otağa məşhur “Happy Birthday to You” oxuyaraq daxil olub. Daha sonra prezident Ağ Evdə akkreditasiya olunmuş ən yaşlı jurnalist, həmin gün 89 yaşı tamam olan Helen Tomasın yanına gedib və yanağından öpərək onu təbrik edib. Qocaman jurnalist B.Obamanın xahişi ilə məcməyidəki tək şamı üfləyərək söndürüb.
Qeyd edək ki, ərəb əsilli H.Tomas Obamanın anadan olduğu 1961-ci ildən Ağ Evdə jurnalist kimi akkreditasiya olunub. Hazırda “Hearst” qrupuna daxil olan yerli qəzetlərdə çalışan 89 yaşlı jurnalist İsrail əleyhinə sual verməklə ABŞ prezidentini əsəbiləşdirmiş, bundan sonra jurnalistlər üçün birinci sıradakı yerini itirmişdi. O, ötən ay B.Obamanı mətbuatı nəzarət altına almağa çalışmaqda suçlamış, “bizi kuklamı sayırlar” deyə buna etirazını bildirmişdi.