Bakı. Yeganə Laçınzadə - APA-Economics. Türkiyəyə məxsus “Turkapital Holding” investisiya şirkəti Azərbaycandakı nümayəndəliyini bağlayıb. Bu barədə “APA-Economics”ə Vergilər Nazirliyindən məlumat verilib.
Bildirilir ki, kreditorlar tələblərini 2 ay ərzində Bakı şəhəri, Nizami küçəsi 90 A ünvanına bildirə bilərlər.
Qeyd edək ki, "Turkapital Holding" 2007-ci ildə Fars körfəzi Əməkdaşlıq Şurası ölkələrindən Türkiyə və Avrasiya regionuna investisiyalar cəlb etmək üçün yaradılıb. Şirkətin Azərbaycan nümayəndəliyi isə 2009-cu ildən fəaliyyətə başlayıb. Nümayəndəliyin yaradılmasında məqsəd Türkiyə və Azərbaycan arasında investisiya mühiti yaratmaq, bununla, Azərbaycanın inkişafına töhfə vermək olub.