Bakı-APA. Üç minədək şəxs Rusiyanın Şimali Qafqaz federal dairəsindən İŞİD terror qruplaşmasına qoşulmaq məqsədi ilə ölkəni tərk edib. APA-nın “RİA Novosti”yə istnadən verdiyi xəbərə görə, bu barədə Rusiya prezidentinin Şimali Qafqaz federal dairəsindəki səlahiyyətli nümayəndəsi Sergey Məlikov bildirib.
Onun sözlərinə görə, hazırda Şimali Qafqaz federal dairəsindən 3 minədək sakin İŞİD sıralarında döyüşür: “Əgər biz əvvəl yalnız Yaxın Şərqdən danışırdıqsa, indi söhbət artıq digər bölgələrdən də gedir. Təəssüf ki, İŞİD-in fəaliyyəti yeni ölkələrə yayılmaqda davam edir.
Rusiya prezidentinin Şimali Qafqaz federal dairəsindəki səlahiyyətli nümayəndəsi qeyd edib ki, hərbi əməliyyatların keçirildiyi ərazilərdən geri qayıdan insanlar əksər hallarda torpaqları şumlamağa yox, “İslam dəyərlərini” qorumaq üçün qayıtdıqlarını iddia edirlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
