Daşkəsəndə avtomobil qadını və onun azyaşlı nəvəsini vurub

Daşkəsəndə avtomobil  qadını və onun azyaşlı nəvəsini vurub
# 18 iyul 2016 18:59 (UTC +04:00)

Daşkəsən. Azər Məmmədli – APA. Sumqayıtdan Daşkəsənə dincəlməyə gələn qadını və onun azyaşlı nəvəsini avtomobil vurub.

APA-nın qərb bürosunun verdiyi məlumata görə hadisə rayonun Xoşbulaq kəndi ərazisində qeydə alınıb.

Sumqayıt şəhər sakini, kəndə dincəlməyə gedən 1952-ci il təvəllüdlü Ayna Bəşirova və onun azyaşlı nəvəsi yolu keçmək istəyərkən “Hyundai” markalı avtomobil tərəfindən vurulub.

Yaralı Gəncə şəhər Təcili Tibbi Yardım xəstəxanasına yerləşdirilib. A. Bəşirovaya sol bazu sümüyünün sınığı, alın nahiyəsinin sıyrılmış yarası, azyaşlı qız nəvəsinə isə sağ ayağının zədələnməsi diaqnozu qoyulub.

Faktla bağlı Daşkəsən rayon Polis Şöbəsində araşdırma aparılır.

#
#

ƏMƏLİYYAT İCRA OLUNUR