Bakı-APA. Demokratlar partiyasından ABŞ prezidenti postuna namizəd Hillari Klinton şəxsi elektron poçtundan xidməti məqsədlər üçün istifadə etməsi işi üzrə ifadə vermək üçün Federal Təhqiqatlar Bürosuna çağırılacaq.
APA-nın CNN-ə istinadən verdiyi xəbərə görə, qeyd olunan iş üzrə istintaq başa çatmaq üzrədir, Hillari Klintonun yaxın günlərdə dindiriləcəyi gözlənilir. FTB Klintonun köməkçilərini dindirərək onun qanunu qəsdən pozmadığını müəyyən edib.