Bakı-APA. Moskva və Ankara arasında Suriya ilə bağlı yaxşı əməkdaşlıq mövcuddur. APA-nın xəbərinə görə, bunu “RİA Novosti”yə Türkiyə XİN rəhbəri Mövlud Çavuşoğlu deyib.
“Rusiya ilə Suriyaya dair yaxşı əməkdaşlığımız var. Bu o demək deyil ki, biz həmişə razılaşırıq. Lakin, əvvəllər ciddi fikir ayrılığı olan məsələlər üzrə hazırda yaxşı dialoq mövcuddur”, - deyə Çavuşoğlu Moskva və Ankara arasında Suriyaya dair əməkdaşlıqla bağlı suala cavabında bildirib.
Onun sözlərinə görə, dialoq açıq və səmimi şəkildə aparılır: “Mübadilə etdiyimiz informasiya böhran yaranacağı təqdirdə çox vacibdir. İki ölkə arasında hazırda etimad mövcuddur. Siyasi səviyyədə - nazirliklər kəşfiyyat səviyyəsində müxtəlif əlaqələndirmə mexanizmləri mövcuddur. Bu mexanizm çox effektiv olub”, - deyə Çavuşoğlu qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
