Bakı. Könül Kamilqızı – APA. Dünya İqtisadi Forumunun Qlobal Rəqabətqabiliyyətlilik Hesabatının 2016-2017- ci illərə görə nəticələri açıqlanıb.
Müəllif Hüquqları Agentliyindən APA-ya verilən xəbərə görə, Azərbaycan 2015-2016-cı illərdə Qlobal Rəqabətqabiliyyətlilik Hesabatında tutduğu yerlə müqayisədə 3 pillə irəliləyərək 138 dövlət arasında 4.55 balla 37-ci yeri tutub.
Azərbaycan Əqli Mülkiyyət Hüquqlarının qorunması göstəricisinə görə 71-ci yeri tutaraq MDB üzrə ilk üçlüyə daxil olub, Cənubi Qafqaz ölkələri arasında lider dövlət olub. Müqayisə üçün deyək ki, bu indeks üzrə Ermənistan 84-cü, Gürcüstan isə 99-cu yeri tutub. Azərbaycan bu göstəriciyə görə Avropa dövlətlərindən Macarıstanı (85-ci yer), Xorvatiyanı (87), Bolqarıstanı (116) və Bosniya-Herseqovinanı (132) geridə qoyub.
İnnovasiyalara görə Azərbaycan 44-cü yeri tutaraq Tacikistanı (46), Rusiyanı (56), Ukraynanı (52), Qazaxıstanı (59), Ermənistanı (87), Gürcüstanı (116), Qırğızıstanı (123) və Moldovanı (133) geridə qoyub, bu göstərici üzrə MDB-də 1-ci yeri tutub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
