Bakı-APA. İstanbuldan hərbi bazaların köçürülməsi prosesinə başlanıb.
APA-nın “Hürriyet” qəzetinə istinadən verdiyi məlumata görə, hərbi çevriliş cəhdindən sonra hökumət Ankara və İstanbuldakı hərbi hissələrin sentyabrın 11-dək şəhər kənarına köçürülməsi barədə qərar verib.
Bu prosesə ilkin olaraq İstanbuldakı Baştabya hərbi bazasında start verilib. Bu gün bu bazada yerləşən Birinci Orduya bağlı 66-cı Mexaniki Piyada Briqadasının tankların;n şəhərdən kənara daşınmasına başlanılıb. Hərbi bazadan çıxan və üzərində tanklar olan 6 yük maşınını polis müşayiət edib.
Qeyd edək ki, hərbi çevriliş gecəsi Atatürk Hava Limanı və Vətən prospektinə çıxarılan zirehli texnik 66-cı Mexaniki Piyada Briqadasına məxsus olub.