Bakı-APA. Bu gün Somalinin Qalkayo şəhərində hökumət binasının qarşısında iki bomba yüklü avtomobil partladılıb.
APA-nın “Reuters” agentliyinə istinadən verdiyi məlumata görə, “Əş-Şabab” terror təşkilatı terror aktına görə məsuliyyəti öz üzərinə götürüb.
Avtomobillərdəki partlayıcı qurğunu terrorçu-kamikadzelər işə salıb. Nəticədə ən azı 10 nəfər ölüb. Polis həyatını itirənlər arasında təhlükəsizlik qüvvələrinin əməkdaşları ilə bərabər dinc sakinlərin olduğunu açıqlayıb.